Við hjónin fórum ásamt Guðrúnu Sigþórs að spila víkingatónlist og spiluðum einnig á Langspil og fiðlu. Tekin voru nokkur lög á þau hljóðfæri og önnur vikinga hljóðfæri sem við höfðum með. Þar var leikið af fingrum fram einnig og var Skúli Gauta þar fremstrur í flokki.

  

Ég er í hljómsveit sem er skipuð meðlimum frá Bolungarvík Súðavík og Þingeyri. Við komum í fyrsta skiptið fram á bláberjahátíð í Súðavík á fostudagskvöldið og þar strax á eftir í kjallaranum í Einarshúsi í Bolungarvík.

Við hjónin ásamt vinkonu okkar spiluðum í Heydal í Ísafjarðardjúpi um síðustu helgi þar sem haldinn var Djúpdagurinn í fyrsta sinn og verður væntanlega fastur liður að ári. Dagurinn á að vera í miðaldar stíl með viðeigandi mat skemmtun dansi og hljóðfæraleik. Fórum við af stað með þjóðlaga hljóðfærin sem ég hef verið að smíða og spiluðum undir danskennslu, en kenndur voru vikivakar og ýmis spor frá forni tíð.

Þetta hljóðfæri heitir Kantele og er finnst að uppruna og er frá seinni hluta 17. aldar.
Þetta hljóðfæri er með 5 strengi en eru oft með upp í 15 strengi. Hljóðfærið er mikið notað í Eistlandi einnig og er kallað Small Kannel þar í landi.

Hljóðfærasafnið opið alla daga fram á kvöld og þegar smiðurinn er heima er alltaf hægt að banka uppá og kíkja á safnið og smiðjuna, sjá jafnvel hvernig hljóðfæri verður til.

Jón og Rakel spiluðu á Langspil og fiðlu fyrir handverksópa af norðurlöndum sem staddir eru á Þingeyri á Norrænum handverks dögum.

Vorum að spila í hljómsveitinni sem var kölluð vaðlabandið, ég og Agnes fósturdóttir mín erum í bandinu, Agnes söngkona til vinstri og bassinn ég. Við spiluðum líka á jólahlaðborðum á Núpi sem voru 3 talsins með um 170-190 manns hvort skiptið. spiluðum svo á Silvurtorgi á Ísafirði á þorláksmessu. Spiluðum svo nú í lokin fyrir Brinjólf á Vöðlum í veislu er var tileinkuð honum, svaka gott band.